Çdo seancë Face Yoga zgjat 60 minuta dhe është ndërtuar për të punuar jo vetëm me fytyrën, por edhe me frymëmarrjen, qëndrimin e trupit dhe relaksimin e tensioneve që ndikojnë në pamjen dhe mirëqenien tonë.

 Praktika zhvillohet në një atmosferë të qetë dhe mbështetëse, ku qëllimi është kujdesi natyral për fytyrën, relaksimi dhe krijimi i një rutine të shëndetshme për veten.

1. Qetësim dhe frymëmarrje e ndërgjegjshme
Seanca fillon me disa minuta frymëmarrje dhe përqendrim për të ndihmuar trupin dhe
mendjen të qetësohen dhe të përgatiten për praktikën.

2. Aktivizimi i qafës, shpatullave dhe fytyrës
Punojmë me ushtrime të lehta për të liruar tensionet e akumuluara në qafë, shpatulla,
nofull dhe fytyrë. Shpesh tensionet në këto zona ndikojnë drejtpërdrejt në shprehjen dhe
pamjen e fytyrës.

3. Ushtrimet e Face Yoga
Praktikojmë ushtrime specifike për:
Ballin
Zonën e syve
Mollëzat
Faqet
Buzët
Nofullën
Konturin e fytyrës
Qafën

4. Teknikat e vetë-masazhit
Përdorim teknika të thjeshta vetë-masazhi për të stimuluar qarkullimin, për të relaksuar
muskujt dhe për të rritur ndërgjegjësimin ndaj fytyrës.

5. Relaksim dhe mbyllje e praktikës
Në fund të seancës i kushtojmë disa minuta relaksimit dhe integrimit të praktikës.

Për të përfituar sa më shumë nga praktika, ju lutem përgatitni:

Një pasqyrë
Një hapësirë të qetë
Veshje komode
Flokët të lidhura larg fytyrës
Fytyrë të pastër pa make-up të rëndë, nëse është e mundur
Një peshqir të vogël
Një gotë ose shishe me ujë

Ju lutem përgatitni:

Vaj fytyre
ose
Serum hidratues
ose
Krem hidratues

Produkti duhet të lejojë rrëshqitjen e duarve mbi lëkurë pa e tërhequr atë.

Për ta bërë praktikën sa më efektive dhe interesante, çdo muaj do të fokusohemi në
tema të ndryshme të Face Yoga-s.

Kjo na lejon të punojmë më në thellësi me zona specifike të fytyrës dhe të ndërtojmë
rezultate gradualisht.

Shembuj të temave mujore:
-Balli dhe zona e syve
-Reduktimi i tensioneve në nofull dhe fytyrë
-Konturimi natyral i fytyrës
-Tonifikimi i faqeve dhe mollëzave
-Qafa dhe zona e dekoltesë
-Face Yoga për relaksimin e stresit
-Liftimi natyral i fytyrës
-Shkëlqimi dhe vitaliteti i lëkurës
-Face Yoga Anti-Aging
-Rutinat e përditshme për mirëmbajtjen e rezultateve

Çdo muaj do të përfshijë ushtrime, teknika dhe këshilla praktike të lidhura me temën e
zgjedhur.

Face Yoga është një metodë natyrale që kombinon ushtrime të fytyrës, frymëmarrjen e
ndërgjegjshme dhe teknika relaksimi për të mbështetur shëndetin dhe vitalitetin e
fytyrës.

Praktika e rregullt e Face Yoga mund të ndihmojë në:

Tonifikimin natyral të muskujve të fytyrës
Përmirësimin e qarkullimit të gjakut dhe oksigjenimit të lëkurës
Relaksimin e tensioneve në fytyrë, nofull dhe qafë
Përmirësimin e kontureve natyrale të fytyrës
Reduktimin e shenjave të lodhjes dhe stresit
Mbështetjen e elasticitetit dhe shkëlqimit natyral të lëkurës
Përmirësimin e vetëdijes për shprehjet e fytyrës
Krijimin e një rutine të shëndetshme kujdesi për veten
Rritjen e ndjesisë së mirëqenies dhe vetëbesimit

Ashtu si muskujt e trupit, edhe muskujt e fytyrës përfitojnë nga praktika e rregullt.

Rezultatet më të mira arrihen kur Face Yoga bëhet pjesë e rutinës së përditshme të
kujdesit për veten.

Praktika e vazhdueshme sjell ndryshime graduale dhe të natyrshme, duke mbështetur jo
vetëm pamjen e jashtme, por edhe mënyrën se si ndihemi me veten.

OM është tingulli më i njohur dhe më i përdorur në traditën e Yoga-s. Ai konsiderohet si simbol i harmonisë, unitetit dhe lidhjes mes trupit, mendjes dhe frymëmarrjes. Në praktikën e Yoga-s, OM përdoret për të krijuar një moment ndalese nga ritmi i përditshëm dhe për të ndihmuar pjesëmarrësit të përqendrohen tek vetja dhe momenti i tanishëm. Për shumë njerëz, tingullimi i OM është një mënyrë e thjeshtë për të qetësuar mendjen, për të thelluar frymëmarrjen dhe për të hyrë në praktikë me më shumë vetëdije

Kur tingullojmë OM, krijohet një vibrim i butë që përhapet nëpër trup. Ky vibrim ndihet veçanërisht në zonën e kraharorit, fytit, kokës dhe fytyrës. Shumë praktikues raportojnë se kjo eksperiencë mund të ndihmojë në: 4 Relaksimin e trupit dhe mendjes 4 Qetësimin e sistemit nervor 4 Përmirësimin e përqendrimit 4 Ndërgjegjësimin më të madh për frymëmarrjen 4 Lëshimin e tensioneve në fytyrë, nofull, qafë dhe shpatulla 4 Krijimin e një ndjesie harmonie dhe ekuilibri të brendshëm Në traditën e Yoga-s besohet se vibrimi i OM ndihmon në harmonizimin e energjisë së trupit dhe krijimin e një gjendjeje më të qetë dhe të balancuar.

 Uljen e stresit dhe tensionit emocional
 Krijimin e qetësisë mendore para praktikës
 Përmirësimin e fokusit dhe pranisë në moment
 Rritjen e ndërgjegjësimit për trupin dhe frymëmarrjen
 Krijimin e një tranzicioni të butë nga aktivitetet e ditës drejt praktikës së Yoga-s
 Ndërtimin e një ndjesie më të thellë lidhjeje me veten

Fjala Shanti vjen nga sanskritishtja dhe do të thotë: PAQE Në fund të praktikës, përdorimi i fjalës Shanti është një urim për paqe dhe harmoni. Tradicionalisht në Yoga thuhet: Shanti Shanti Shanti si simbol i dëshirës për paqe në të gjitha aspektet e jetës

• Paqe me veten
• Paqe me trupin dhe mendjen
• Paqe në marrëdhëniet tona
• Paqe në mjedisin që na rrethon
• Paqe dhe mirëkuptim në jetën e përditshme

 Integrimin e përfitimeve të praktikës

 Krijimin e një ndjesie qetësie dhe relaksimi të thellë

 Kalimin gradual nga praktika në aktivitetet e përditshme

 Kultivimin e mirënjohjes

 Mbështetjen e mirëqenies emocionale

 Krijimin e një ndjesie harmonie dhe përmbushjeje pas praktikës

Përfundimin e seancës me vetëdije dhe respekt për veten

Çdo seancë fillon me një moment të shkurtër meditimi dhe frymëmarrjeje të ndërgjegjshme, i shoqëruar nga tingulli OM, dhe mbyllet me Shanti. Këto momente nuk kanë karakter fetar. Ato janë pjesë e traditës së Yoga-s dhe shërbejnë për të krijuar një atmosferë qetësie, përqendrimi dhe mirëqenieje. Pjesëmarrja është gjithmonë e lirë dhe secili mund ta përjetojë këtë moment në mënyrën që ndihet më rehat. nn OM – Për të qetësuar mendjen dhe për të hyrë në praktikë me vetëdije. n SHANTI – Për të mbyllur praktikën me paqe, harmoni dhe mirënjohje.